Ghazlon me tere pyar ka charcha na karenge
Hum tuj ko sar-e-aam yun ruswa na karenge
Q hum pe uthen sang-e-malamt ki faseelain
Behter hy tere sheher me aya na karenge
Ye chaand ye taare ye haseen raat ka aalam
Mansoob tere naam se kya kya na karenge
Weeran howay qasar-e-tamanna k dareeche
Abaad kabhi pyar ki dunya na karenge
Her cheez ki bohtaat me nuqsan bohat hy
Shiddat se kisi shakhs ko chaha na karenge.......
No comments:
Post a Comment