Jab Bichar Kar Tere Is Dil Se Chala Jaon Ga

Jab Bichar Kar Tere Is Dil Se Chala Jaon Ga
Dil Ko Senay Mai Na Pao Gi To Yaad Aaon Ga

Meri Masoom Mohabbat Ko Bhula Kar Jab Tum
Phir Kisi Aur Ko Chaho Gi To Yaad Aaon Ga

Doston Ki Kisi Mehfil Mai Baton Baton Mai
Jab Kisi Bat Pe Rootho Gi To Yaad Aaon Ga

Meri Tasveer Ko Ankhoon Mai Chupany K Liye
Apne Ashkon Se Mitao Gi To Yaad Aaon Ga

Raat Sanaty Mai Kamre Ki Khuli Khirki Se
Hansty Ek Chand Ko Dekho Gi To Yaad Aaon Ga

Jab Bhi Barsat K Bhegy Huy Mosam Mai Khari
Tanha Barish Mein Jo Bhego Gi To Yaad Aaon Ga

Khak Se Lipti Kitaboon K Har Ek Kaghaz Par
Naam Likha Mera Dekho Gi To Yaad Aaon Ga

Ab Jo Har Ek Khushi Mujko Sunanay K Liye
Door Tak Mujh Ko Na Pao Gi To Yaad Aaon Ga

Neely Kapry Jo Pehan Kar Tum Khuly Baloon Ko
Khud Hi Hathon Se Sanwaro Gi To Yaad Aaon Ga

Yaad Karty Hue Yeh Saans Jo Tooty Gi Meri
Phir Meri Qabar Pe Aao Gi To Yaad Aaon Ga

Tere Hi Naam Sy Likhta Tha Zaher Sari Ghazal
Ab Jo Parhty Hue Ro Do Gi To Yaad Aaon Ga