MERE HOKE RAHO

"MERE HOKE RAHO"

Apni Khatir Jagy Ho , Soye Ho
Apni Khatir Hansay Ho , Roye Ho
Kis Liye , Aaj Khoye Khoye Ho
Tum Ne Aansoo Bht Piye Apne
Tum Bht Saal Reh Liye Apne
Ab Mere, Sirf Mere Hoke Raho

Husn Hi Husn Ho, Zahanat Ho
Ishq Hon Me , To Tum Mohabbat Ho
Tum Meri Bas Meri Amanat Ho
Jee Liye Jis Qadar Jiye Apne
Tum Bht Saal Reh Liye Apne
Ab Mere , Sirf Mere Hoke Raho

Rehte Ho Ranj-O-Gham Ke Gheron Main
Dukh K , Asaib K Baseron Me
Kaisy Choron Tumhen Andheron Me
Tum Ko De Donga Sb Diye Apne
Tum Bht Saal Reh Liye Apne
Ab Mere, Sirf Mere Hoke Raho

Tum Azal Se Dukhon K Dairy Ho
Chahe Khud Ko Ghamon Se Ghairy Ho
Jab Se Paida Hue Ho Mere Ho
Aj Kholain Gay Lab Siye Apne
Tum Bht Saal Reh Liye Apne
Ab Mere, Sirf Mere Hoke Raho

Ab Mujhy Apne Dard Sehne Do
Dil Ki Har Baat Dil Se Kehne Do
Meri Banhon Me Khud Ko Behne Do
Mudaton Zakhm Khud Siye Apne
Tum Bht Saal Reh Liye Apne
Ab Mere, Sirf Mere Hoke Raho

Mere Hoke Raho

( Wasi Shah)