Tuesday, December 7, 2010

Wo kehti hai tumhari batain achi lagti hain


Wo kehti hai tumhari batain achi lagti hain
Main kehta hoon soraj ki roshni tumko sajti hai

Wo kehti hai tumhari baton mein apnaiyat hai
Main kehta hoon mohabbat rafta rafta barhti hai

Wo kehti hai itne din bad mile ho
Main kehta hoon shayed sadiyan beet gai hain

Wo kehti hai meri zindagi mein khawab hain bohat
Main kehta hoon sary khawab sumait loon

Wo kehti hai kya ab bhi mujhko chahty ho?
Main kehta hoon tumhein khabar nahi hai shayed

Wo kehti hai dekho amawus ki raat hai
Main kehta hoon haan chand mere pehloo me hai

Wo kehti hai zindagi kitni khoobsurat hai
Main kehta hoon zara aik sapna tootny do

Wo kehti hai mousam bohat pyara hai
Main kehta hoon zara tanhai me dekhna

Wo kehti hai tumhari batain achi lagti hain
Main kehta hoon sooraj ki roshni tumko sajti hai

No comments:

Post a Comment