Wo Kehti Hai, Suno Jaana!!.. Mohabbat Maum Ka Ghar Hai

Wo Kehti Hai, Suno Jaana!!.. Mohabbat Maum Ka Ghar Hai
Tapish Ye Bad-Ghumani Ki Kahin Pighla Na De Isko..,
Main Kehta Hoon, Key Jis Dil Mein Zara Bhi Bad-Ghumani Ho
Wahan Kuch Aur Ho To Ho Mohabbat Ho Nahi Sakti...

Wo Kehti Hai, Sada Aise Hi Kya Tum Mujh Ko Chaho ge..??
K Main Iss Mein Kami Bilkul Gawara Kar Nahi Sakti..,
Main Kehta Hoon, Mohabbat Kya Hai Ye Tumne Sikhaya Hai
Mujhe Tumse Mohabbat K Siwa Kuch Bhi Nahi Aata...

Wo Kehti Hai, Judai Se Bohat Darta Hai Mera DiL
K Tum Ko Khud Se Hatt Kar Dekhna Mumkin Nahi Hai Ab..,
Main Kehta Hoon, Yehi khadshey Bohat Mujh Ko Satatey Hain
Magar Sach Hai Mohabbat Main Judai Sath Chalti Hai...

Wo Kehti Hai, Batao Kya Mere Bin Jee Sako gay Tum..??
Meri Baatain Meri Yaadain, Meri Aankhain Bhula Do Gy..??
Main Kehta Hoon, Kabhi Is Baat Per Socha Nahi Maine
Agar Ik Pal Ko Bhi Sochon To Sansain Rukne Lagti Hain...

Wo Kehti Hai, Tumhe Mujh Se Mohabbat Is Qadar Kyun Hai..??
K Main Ik Aam Si Larki, Tumhe Kyun Khas Lagti Hoon..??
Main Kehta Hoon, Kabhi Khud Ko Meri Aankhon Se Tum Dekho
Meri Deewangi Kyun Hai Ye Khud Hi Jaan Jaao Gi...

Wo Kehti Hai, Mujhe Waraftagee Se Dekhte Kyun Ho..??
K Main Khud Ko Bohat Hi Qeemati Mehsoos Karti Hoon..,
Main Kehta Hoon, Mata-E-Jaan Bohat Anmol Hoti Hai
Tumhe Jab Dekhta Hoon Zindagi Mehsoos Karta Hoon...

Wo Kehti Hai,Mujhe Alfaz K Jugnoo Nahi Milte..

Tumain Batla Sakoon Dil Main Mere Kitni Mohabbat Hai

Main Kehta Hoon,Mohabbat To Nigahoon Se Jhalakti  Hai..

Tumhari Khamoshi Mujse Tumhari Baat Karti Hai

Wo Kehti Hai, Batao Na!! Kise Khonay Se Darty Ho..??
Batao Kaun Hai Wo Jis Ko Ye Mausam Bulaty Hain..??
Main Kehta Hoon, Ye Meri Shayari Hai Aaina DiL Ka
Zara Dekho Batao.. Kiya Tumhe Is Main Nazar Aaya...??

Wo Kehti Hai K k Imran Jee Bohat Baatein Banaty Ho
Magar Sach Hai K Ye Baatein Bohat Hi Shaad Rakhti Hain..,
Main Kehta Hoon, Ye Sab Baatain, Fasany, Ik Bahana Hain
K Pal Kuch Zindagani K Tumhare Sath Katt Jayein...

Phir Us K Baad Khamoshi Ka Dilkash Raqs Hota Hai

Nigahain Bolti Hain Aur Lab Khamosh Rehtay Hain