Bhool Sakta Hai Bhala Koun Yeh Pyari Aankhain

Bhool Sakta Hai Bhala Koun Yeh Pyari Aankhain
Rang Main Doobi Hui Neend Say Bhari Aankhain

Meri Her Saans Ne Her Soch Ne Chaha Hai Tumhain
Jab Se Dekha Hai Tumhain, Tab Se Saraha Hai Tumhain
Bas Gayi Hain meri Aankhon Mein Tumhari Aankhain

Tum Jo Nazron Ko Uthao To Sitare Jhuk Jaen
Tum Jo Palkon Ko Jhukao To Zamane Ruk Jaen
Kyun Na Ban Jaye In Aankhon Ki Pujari Aankhain

Jaagti Raaton Ko Sapnon Ka Khazana Mil Jaye
Tum Jo Mil Jao To Jeene Ka Bahana Mil jaye
Apni Qismat Pe Karain Naaz Hamari Aankhain
Bhool Sakta Hai Bhala Koun Yeh Pyari Aankhain
Rang Main Doobi Hui Neend Say Bhari Aankhain